واحدة من أهم مميزات لغة السي شارب انك ممكن تكتب الكود مرة واحدة ويشتغل على أي جهاز مثل:
- سيرفر: وندوز - لينكس - ماك
- ديسكتوب: وندوز - لينكس - ماك
- موبايل: أندرويد - آيفون
- تلفزيونات ذكية - ساعات ذكية
- وقريبا الخلاط والبوتاجاز ومفرمة اللحمة 😀
لما بتعمل كدة فأنت بتطبق مبدأ مهم من مبادئ هندسة البرمجيات اسمه (DRY: Don't Repeat Yourself)
بتعيد استخدام الكود اللي كتبته في اجزاء مشروعك وفي مشروعات تانية، وبتعيد استخدام اللي اتعلمته في لغة البرمجة وانت بتكتب كود السيرفر او الكلاينت او مكتبة خارجية.
الميزة اللي فاتت دي على الرغم من أهميتها في توفير الوقت والمجهود وفي ضمان جودة السوفتوير، إلا أنها - من وجهة نظري - ليست أهم ميزة في لغة السي شارب، أهم 4 مميزات عندي هم:
1- استخدام بيئة تطوير فيجوال ستوديو بما فيها من أدوات قوية في الكتابة وتتبع وتصحيح الأخطاء وحاجات تانية كتير لا يتسع المقال لذكرها.
2- لغة قوية ومتناسقة وسهلة التعلم، واحدة من أعلى اللغات في الكفاءة والسرعة (بعد الاصدارات الحديثة من الكومبايلر)، واحدة من أعلى اللغات في سهولة قراءة الكود (Code Readability).
3- لو عاوز تطبق مبادئ هندسة البرمجيات، فإن السي شارب (إلى جانب الجافا) هما أفضل لغتين بيساعدوا على تطبيق المبادئ دي، وتقدر عن طريق السي شارب بسهولة انك تنفذ كل أنماط التصميم (Design Patterns) المعروفة واللي بتساعدك على كتابة كود نظيف و (Maintainable).
4- لغة الـ LINQ للتعامل مع قواعد البيانات ودي شرح مميزاتها حينفردالمصادر:
Design patterns in C#
https://refactoring.guru/design-patterns/csharp
Introducing .NET 5
https://devblogs.microsoft.com/dotnet/introducing-net-5/
Introduction to ASP.NET Core Blazor
https://docs.microsoft.com/en-us/aspnet/core/blazor/?view=aspnetcore-3.1
C# Debugging in Visual Studio 2019 Tutorial – Part 1
https://michaelscodingspot.com/debugging-part1/
Why LINQ? https://c.jumia.io/?a=244740&c=1413&p
https://www.tutorialsteacher.com/linq/why-linq
تعليقات
إرسال تعليق